Taller teórico-práctico para os coidados en enfermidades neurodexenerativas.
Agaela conta con esta formación presencial, que ten como obxectivo capacitar aos coidadores e familiares de persoas afectadas por enfermidades neurodexenerativas. As persoas que asistan aprenderán principios básicos de mobilización, técnicas seguras de transferencia e adaptacións no entorno para mellorar a calidade de vida dos pacientes. Dirixido por profesionais da saúde, o taller centrarase na prevención de lesións e na colaboración multidisciplinaria.
- O próximo taller impartirase o 29 de novembro no Complexo Hospitalario Universitario de Ourense ás 16:00.
- Inscricións: FORMULARIO
- Lugar: Aula de formación - Edificio Santa Mª Nai. Planta Baixa.
Obxectivos:
- Adquirir coñecementos de ergonomía e autocoidado para previr lesións nos coidadores durante a execución de mobilizacións e transferencias.
- Capacitar os participantes en técnicas seguras e efectivas para a mobilización e transferencia de persoas con enfermidades neurodexenerativas.
- Desenvolver un enfoque multidisciplinar no coidado, promovendo a colaboración entre profesionais da saúde para optimizar o manexo das necesidades dos pacientes.
A quen vai dirixido?
· Familiares de persoas afectadas.
· Coidadores profesionais.
· Voluntarios ou profesinais en organización de atención á saúde.
Programa:
Módulo 1: Principios básicos de mobilización | Entender a biomecánica básica e os principios de ergonomía para evitar lesións. | Recoñecer as sinales da dor ou incomodidade das persoas usuarias. | Técnicas de comunicación efectiva para coordinar movementos e tranquilizar ao paciente.
Módulo 2: Técnicas de transferencia e mobilización | Demostración práctica de técnicas seguras para levantar e mover a un paciente: Da cama a cadeira de rodas ou da cadeira de rodas ao baño. Técnicas para asistir na marcha. Uso de produtos de apoio (arneses, táboas de transferencia, cintos de mobilidade).
Módulo 3: Manexo de situacións específicas e adaptacións o entorno | Estratexias para situacións complicadas. | Adaptacións básicas no fogar para facilitar a mobilidade e a seguridade. | Accesibilidade no domicilio: supresión de barreiras, adecuación de mobiliario e uso de produtos de apoio. | Resumen do aprendido, preguntas. | Distribución de materiais de referencia e soporte.
