Os nosos obxectivos son:

• Representación do colectivo de persoas con ELA, familiares e coidadores para garantir os seus dereitos a nivel sociosanitario.

• Sensibilización sobre a patoloxía para promover a mellora da calidade de vida das persoas afectadas de ELA.

• Cubrir as necesidades de información, apoio e asesoramento das familias afectadas pola ELA.

Para materializar os nosos obxectivos, temos en marcha os seguintes servizos: 

Servizo de atención, apoio e asesoramento a persoas con ELA 

Acompañamento durante o proceso da enfermidade proporcionado por unha terapeuta ocupacional e unha traballadora social, persoal laboral de Agaela.

Inclúe as seguintes actividades:

• Valoración inicial de necesidades
• Orientación sobre o proceso da ELA
• Asesoramento sobre trámites sociais
• Tramitación de solicitudes e posta en marcha de recursos
• Asesoramento sobre o uso e adquisición de produtos de apoio
• Asesoramento sobre accesibilidade e adaptación do fogar
• Orientación no uso de dispositivos de apoio para a comunicación
• Asesoramento sobre hixiene postural e técnicas de conservación da enerxía na realización de mobilizacións e transferencias da persoa con ELA
• Apoio psico-emocional e escoita activa para fomentar a descarga do coidador
• Reavaliación e seguimento individualizado das necesidades

Banco de Produtos de Apoio

Cesión, en concepto de préstamo gratuíto; podendo sufragar desde a entidade a compra de novos produtos (camas articuladas, grúas de traslado, cadeiras de ducha, entre moitos outros.), os gastos de envío e recollida dos produtos nos domicilios das familias e/ou os gastos de mantemento e reparación necesarios para optimizar os recursos dispoñibles e fomentar a economía circular.

Servizos vinculados a convenios de colaboración 

Para mellorar a prestación de servizos a usuarios con ELA en función da provincia de residencia, con outras entidades sen ánimo de lucro:

• Asociación Ourensana de Esclerose Múltiple, Párkinson e outras enfermidades Raras – AODEMPER
• Asociación Compostelá de Esclerose Múltiple – ACEM Santiago
Poderanse consultar na web de Agaela os convenios realizados para os seguintes fins:
• Para acceso a tratamentos de rehabilitación especializados a custe reducido
• Para acceso a produtos de apoio (en compra ou aluguer) a custe reducido
• Para acceso a coidados e atención residencial a custe reducido

 Copago de rehabilitación

mediante o que se proporciona axuda económica para sufragar os custes de rehabilitación fisioterapéutica en clínicas de proximidade ou no entorno domiciliario da persoa con ELA.

Programa de visibilidade e divulgación

mediante a posta en marcha de galas solidarias, eventos deportivos ou xornadas formativas dirixidas a alumnado de centros educativos ou profesionais socio-sanitarios, entre outras.

Programa institucional 

en esta área Agaela traballa a nivel municipal, provincial, autonómico e estatal. Os seus esforzos diríxense a promover a mellora no acceso aos recursos e a calidade asistencial para as persoas con ELA no noso país; formando parte, entre outros, da Xunta Directiva do Consorcio Nacional de Entidades de ELA (ConELA).