Xunta de Galicia
Axupas para persoas con ELA 2024
A Xunta de Galicia subvencionará con 12.000 euros ao ano para as persoas con ELA para que poidan facer fronte aos diferentes gastos asociados a esta enfermidade. Esta axuda será compatible con outras outorgadas coa mesma finalidade.
Importante: As persoas con ELA deberán gardar as facturas correspondentes aos gastos desde o 1 de xaneiro de 2024, debendo figurar ao nome da persoa con ELA, tanto a factura como o xustificante de pago. Cubrirá os gastos con efecto retroactivo a 1 de xaneiro do 2024 e poderase solicitar aquí.
Prazo de presentación
- ABERTO ata o 15/11/2024 23:59h
Requisitos
- Estar diagnosticado de ELA ou calquera dos seus fenotipos
- Ter recoñecida ou solicitada a situación de dependencia ou ter solicitado con anterioridade á presentación da solicitude
- Estar empadronado en Galicia antigüedade mínima de 6 meses con anterioridade á presente convocatoria
- Ter máis de 18 anos
Gastos subvencionables
Serán subvencionables os seguintes gastos, no caso de non estar cubertos polo Sistema Público de Saúde ou mutualidade correspondente:
Adquisición de produtos de apoio para:
- Tratamento médico personalizado: Equipos de inhalación, humificadores, tensiómetros, pulsiómetros, dosificadores dispensadores, trituradores de medicamentos,coxíns antiescaras, de aire, órteses.
- Adestramento e aprendizaxe de capacidades: Como exercitadores de pernas e brazos, pedaliers activos ou pasivos, exercitadores de dedos, exercitadores respiratorios/incentivadores.
- Mobilidade persoal: Inclúe produtos de apoio para camiñar, transferir, xirar e elevar como andadores, bastóns, táboas de transferencias, bipedestadores, grúas, sofás elevadores entre outros.
- Aseo, coidado e protección persoal: Como abotoadores, tiradores para cremalleiras, calzadores. Cremas para o tratamento de úlceras por presión, cremas para o tratamento, mellora de afeccións derivadas do uso de absorbentes, esponxas xabonosas, empapadores, soportes para o baño como alzas, cepillos eléctricos, ponchos exteriores...
- Actividades domésticas: Vaixela e cubertos adaptados, produtos para a preparación de alimentos como balanzas de voz, produtos de apoio para a limpeza como aspiradores automáticos...
- Mobiliario e adaptacións para vivendas: Produtos que permiten acadar un maior grao de comodidade, funcionalidade, facilidades de desprazamento e realización de actividades dentro da vivenda.
- Comunicación e información: Como dispositivos de alarma de emerxencia persoal, os sistemas de control e localización...
- Manipulación de obxectos e dispositivos: Soportes para pulsadores, joystick para teclados númericos.
- Lecer e recreación: Cadeiras anfibias, grúas de piscina, triciclos asistidos, pasa páxinas ...
- Adaptación funcional do fogar e o seu entorno
Modificacións ou adecuación dos espazos, instalacións e equipamentos que rodean á persoa co obxectivo de facilitar ou habilitar a realización das actividades da vida diaria no fogar: asearse, cociñar, camiñar, etc.) de maneira máis segura, sinxela e independente. Inclúese adaptación do interior da vivenda, dos accesos á mesma e das zonas de uso comunitario no caso de habelas.
- Adquisición de vehículo adaptado ou adaptación do mesmo
- Servizos asistenciais complementarios ás prestación da Seguridade Social ou mutualidades de previsión social á persoa beneficiaria por profesionais habilitados:
- Fisioterapia manual
- Fisioterapia respiratoria
- Terapia Ocupacional
- Logopedia
- Psicoloxía
- Neurorrehabilitación
- Asistencia persoal / coidador profesional / servizo de axuda no fogar/ servizo de atención diúrna, servizo de atención residencial sempre que sexan de carácter privado.
Gastos non subvencionables
- Obras da vivenda meramente estéticas.
- Produtos de apoio incluídos no catálogo xeral ortoprotésico da consellería competente en materia de saúde pública.
- Gastos pagados por terceiras persoas.
- Os medicamentos, os gastos de farmacia e parafarmacia que non fosen considerados produtos de apoio no atigo 5.1 desta orde.
- Axuda para transporte no caso que a persoa solicitante sexa usuaria dunha praza de atención residencial ou dun centro de atención diúrna e xa conte cun servizo de transporte subvencionado.
